ببساطة..انتخابات برلمان 2021 جاب عيدودي 24 ألف صوت ولكن راه نسبة المشاركة والتصويت كانت داك الوقت 67 %، واليوم جاب 12 الف صوت حيث نسبة المشاركة والتصويت غير 30% ولي هيا تتساوي نص لي شاركو وصوتو في الانتخابات السابقة ديال 2021.. وبالتالي راه 12 ألف صوت لي جاب ليوم بعدما صوتت غير 30% ديال المصوتين، راه تتساوي ديك 24 الف صوت لي جاب في 2021 منين خرجت صوتت 66% ديال الناخبين المسجلين.
ولكن منين جابت الحمامة ديك 50 ألف صوت لي صوتو عليها ؟!!! وحنا تنعرفو أن الحمامة في 2021 جابت 42 ألف صوت ؟!! وأنه حتى هيا خاص نطبقو عليها النتيجة ولحساب ديال تراجع نسبة التصويت بين 2021 لي كانت 67% و2024 لي شاركت فيها غير 33% ؟!.
الجواب بسيط… في انتخابات 2021 أغلب الاحزاب كانت مرشحة في الاقليم وكانت تتضارب وتتقاتل فيما بينها..وكان كل حزب تيقلب على مقعد لنفسه بطرقه وناسه وآلياته وكذا تاحرامياته الخاصة.. بمعنى كان كل حزب تيقول راسي أراسي.. عليها داك الوقت عيدودي جا الثاني في الاقليم ب 24 ألف صوت…ولكن شنو الجديد البارح في الانتخابات الجزئية؟!!!
البارح راه كان التنافس على مقعد واحد ماشي على خمسة المقاعد كيف ما كان في 2021.. ولي وقع أنه الاحزاب لي جابت مقاعد في 2021 وعندها اليوم برلمانيين في الاقليم.. كلهم ضامنو وتحالفو ضد السبولة، كل واحد بالطريقة ديالو، وقررو كلهم يعطيو المقعد للحمامة وبسقطو عيدودي.
الحمامة…والعود..والبام..لي هوما احزاب كبيرة في الاقليم وعندهم شبكة ديال الرؤساء الجماعيين والاعضاء والاتباع ما رشحوش ودارو الحملة مع لحمامة… الاتحاد الاشتراكي والاستقلال لي حتى هوما عندهم 2 برلمانيين في الاقليم دعمو لحمامة بطريقة غير مباشرة من خلال ترشيحات مخدومة وعلى المقاس.. وفي نفس الوقت خلاو أعضاءهم ورؤساء الجماعات التابعين ليهم مطلوقين على ربعة ومسروحين مع لحمامة وتيجريو معاها.. والدليل ان الاتحاد الاشتراكي والاستقلال عندهم تقريبا 3 و5 الجماعات تيسيروهم لكل واحد فيهم ومع ذلك المرشحين بزوح ديالهم ما جابوش داك الشي لي تيتماشى وتيساوي التمثيلية ديالهم وعدد الجماعات اللي تيترأسوها.. وجاو في الصفوف الاخيرة.
النتيجة… هو أنه السبولة جابت 12 الف صوت ككتلة انتخابية قارة وثابتة حافظت عليها في ظل كل هاد الاكراهات والمعطيات، وهي نتيجة قوية جدا اذا ما استحضرنا معطى نسبة التصويت الذي تراجع من 66% في 2021 الى 30% امس الخميس.. مقابل 50 ألف صوت ما جابتهاش لحمامة.. وإنما جابها الاتحاد الاقليمي لتحالف “الحمامة العود التراكتور الوردة والميزان…”..لحمامة العود تراكتور بشكل مباشر…والاستقلال والاتحاد الاشتراكي بشكل غير مباشر.
نتيجة الأمس أثبتت ما أصف به العيدودي دائما وهو أنه “دابّة انتخابية”.. والاحزاب الممثلة في البرلمان اقليميا حاولوا البارح يقتلوه انتخابيا باش شقيقهم الاتحاد الدستوري يسترجع الى جانبهم المقعد مستقبلا…وباش كلهم تكون عندهم حظوظ كبيرة يقسمو المقاعد الخمسة لي كاين في الاقليم في 2026…
ولكن…عبد النبي اعرفه جيدا.. لا معنى للاستسلام في قاموسه.. سيستأنف نشاطه السياسي.. سيعيد بناء حزبه وهيكلته من جديد..وسيكتسح المشهد مجددا.. من دون أخطاء هذه المرة…مسألة وقت وسترون العجب !!
عسلاني عبد الرزاق
استطاع حزب الحركة الشعبية الحفاظ على المرتبة الثانية و استطاع الحضور في جميع الجماعات كالتالي .
(1) 3198 عسلوجي
(2) 1725 حوافات
(3) 1526 صفصاف
(4) 1273 دار الكداري
(5) 607 سيدي أحمد بنعيسى
(6) 597 سيدي أعمر الحاضي
(7) 554 اولاد انوال
(8) 487 ارميلات
(9) 316 سيدي الكامل
(10) 308 زيرارة
(11) 237 بلقصيري
(12) 178 سيدي عزوز
(13) 153 المرابيح
(14) 149 عين الدفالي
(15) 134 مولاي عبد القادر
(16) 127 تاوغيلت
(17) 115 النويرات
(18) 84 بني وال
(19) 81 سيدي قاسم
(20) 63 بئر طالب
(21) 56 باب تيوكا
(22) 49 احد كورت
(23) 49 زكوطة
(24) 40 الخنيشات
(25) 40 سيدي امحمد شلح
(26) 28 جرف الملح
(27) 9 سلفات
(28) 8 ثكنة
(29) 3 اشبانات
التعليقات مغلقة.